

D3180

།[་]@##། །རྒྱ་གར་སྐད་དུ། བཱ་གཱི་ཤྭ་ར་སཱ་དྷ་ནཾ། བོད་སྐད་དུ། ངག་གི་དབང་ཕྱུག་གི་སྒྲུབ་ཐབས། དེ་ཁོ་ན་ཉིད་བཞིན་དུ་སྟོང་པ་ཉིད་བསྒོམས་པའི་རྗེས་ཐོགས་ལ་ཆུའི་དཀྱིལ་འཁོར་ལ་པདྨ་དཀར་པོ་འདབ་མ་བརྒྱད་པའི་ལྟེ་བར། ཆོས ཐམས་ཅད་ནི་འཆི་བ་ལས་ཀུན་ནས་བཟླས་པར་བྱའོ།།ཞེས་ལྷགས་པར་མོས་པར་བྱས་པས་ཟླ་བ་ལ་གནས་པའི་ཡི་གེ་ཨཾ་དཀར་པོ་ཡོངས་སུ་གྱུར་པ་ལས། དཀར་པོ་ཞལ་གཅིག་ཕྱག་གཉིས་པ་རྡོ་རྗེ་སྐྱིལ་མོ་ཀྲུང་གི་སྟེང་ན་ཕྱག་མཉམ་པར་གཞག་པའི་ཕྱག་རྒྱ་མཛད་ཅིང་། གཞོན་ནུའི་རྒྱན་མ་ ལུས་པ་རྣམས་ཀྱིས་བརྒྱན་པ།ཟུར་ཕུད་ལྔ་དང་ལྡན་པའི་རྗེ་བཙུན་འཇམ་དཔལ་གྱི་སྐུར་བདག་ཉིད་སྐད་ཅིག་གིས་རྫོགས་པར་བྱས་ཏེ། རང་གི་སྙིང་གའི་ཟླ་བ་དང་པདྨའི་སྟེང་དུ་ཡི་གེ་ཁཾ་ལས་བྱུང་བའི་དུང་ངོ་། །དེའི་དབུས་སུ་ཨོཾ་བཛྲ་ཧཱ་རཾ་ཞེས་བྱ་བས་རྡོ་རྗེ་ལྕེའོ། །ལྕེའི་སྟེང་དུ་ པདྨ་དམར་པོའོ།དེའི་སྟེང་དུ་སངས་རྒྱས་སྣང་བ་མཐའ་ཡས་རྣམ་པར་བསམས་ལ། ཁ་འོག་ཏུ་བལྟས་ནས་བདུད་རྩི་འབབ་པའི་ཡི་གེ་བཾ་དཀར་པོ་རང་ཉིད་ཀྱི་རྐན་གྱི་ཕྱོགས་སུ་བསྒོམ་པར་བྱའོ། །ོཾ་བཱ་ཀྱེ་དཾ་ན་མཿབྱ་བ་ནི་བཟླས་པའི་སྔགས་སོ། །འདི་ནི་ཕན་ཡོན་ཆེན་པོ་དང་ལྡན་པ་སྟེ།